白石

由大圍去白石,單車路程約十二公里, 不過其實由大圍去沙田都要兩公里, 即係沙田去白石最多都係十公里. 不過其實由於單車徑係由海邊直去白石的, 所以當中可以會有少許地方馬路要長一些, 不過估計應該差距不大.

另一方面, 去到為大約15:30左右, 見到幾多人, 所以我地可能真係要準時入去, 否則到時要坐得很後或者係要勁吹海風........今日我見有好多人係一塊好很細的草地玩風箏, 我地原則上都可以玩. 另外居然有比細路玩的 "波波池".....(第四張相)但唔知明天有沒有. 其實如果燒烤食唔飽, 仲有肥死你冇命賠的餐旦面, 只需22蚊, 但要留神個阿姐會唔覺意找少錢比你.........

另外就係由於由馬鐵站行入去要經過大約一公里左右的馬路, 當中沒有行人路, 所以不建議由烏溪沙站行入去. 而另一方面, 由於自大圍踩單車入去要成個鐘(以我的速度) 加上去到附近前要係馬鞍山度"享受"成公里長的長命斜, 所以都係咪玩. 不過我見今日下午三時左右的接駁巴士係吉吉地, 可能有不少人都係坐的士/ 其他車入, 我覺得我地應該都有機會坐都FREE SHUTTLE入去.

另外, 不得不提的是, 我今日係果度覺得好熱下, 係果度我用手錶測到19度............當然未必準, 但我見到如果我地早去到, 可以坐到入有膠布檔風的坐位, 應該唔會太凍.
不過, 都係當果度得10度左右, 因市區都係得14度, 果度近海, 又有風, 如果夜晚得10度唔出奇, 不過著的衫最好可以多幾層, 熱可以除, 凍可以著. 咁就最安全.