影評---職業特工隊之鬼影約章

職業特工隊, 又回來了.

這次, 保留左既有的動作片風格, 同時有少少懷舊( 又 那些年??? 今次2006 啫), 暢快度又令你睇得開心, 如果10分我會比8.5分.

btw, 其實初代的職業特工隊係一套1966年放映的美國電視劇集(請參考: 初代職業特工隊 )
湯告魯斯版的職業特工隊電影來到第四集, 雖然靚佬湯明顯老左唔少, 但比起當日演 knight and day 時的豬腩肉明顯收左身, 著住件緊身軍服都冇咩破綻.

首先, 呢套戲一如以往都係動作為主的動作片, 但至少戲情合埋, 犯駁位唔係冇, 不過合理地唔會令人馬上懷疑. 而且在選角方面實在係位位都入型入格, 尤其是各綠葉的做型+演技實在好真; 例如 搞笑的技工型特工, 俄國監獄中的監友(長期綠葉), 以及印度傳媒大亨都實在令這電影更好看.

不過, 扣左0.5分係因為個戲名, 其實同九成的內容無關. 只係局靚佬湯要爬牆, 其實只要話冇咩時間 / 受到風沙干擾 / 阿拉伯之春干擾 都得架.

以下將會有劇情透露

----------------------------------------------------------------------------------

電影官方故事內容大綱:

上集(職業特工隊3) 男主角完成上次任務並跟前妻(假死) 分開後意志消沉，一直藏身俄羅斯監獄內，直至某份核武文件被竊，伊頓奉命調查，途中再被設計陷害，導致任務失敗，美國政府只好執行「鬼影約章」，而且由於(國防局? 中情局?)局長被殺，不單要解散特工隊，更通緝伊頓作「替死鬼」，為了自救並挽回組織清白，他跟僅餘幾名隊員在毫無支援的情况下，只好拚命反擊，誓要撕破政治陰謀。而對手, 一名瘋狂大學教授, 其目的是要發動全球核戰, 好使自然再次進化。

主要內容:

第一部份, 特工被殺及救男主角出獄

過場: 接受任務

第二部份入克里武林宮內偷野但比人暗算

過場: 係醫院赤裸上身著草, 然後局長被殺, 走難

第三部份: 杜拜酒店

過場: 在飛機上, 技工向拆彈特工表示去到印度要做的事情

第四部份: 印度大亨酒局

第五部份: 停車場大戰

尾場: 海邊酒吧 

幽默的地方:

1) 男主角逃獄時要救佢個fd, 做晒手勢等開門

2) 入宮時扮守衛的上司, 比人check id時串守衛

3) 係醫院度要由6-7樓跳去車頂逃跑時 的對話

4) 男主要開列車車卡取得裝備時要閃開柱, 又要放隻眼上去scan 先開到門.

5) 男主角要爬杜拜塔時, 有少少無奈同好似比人放上枱

6) 交易時的三隻手 幾玩野

7) 追杜保沙時個眼罩剛好有用

8) 印度大亨比人楂爆手

9) 男主角話死都要拎到個公文包, 對手馬上跳下去睇死佢落唔到黎, 點知男主角楂架車落去.

10) 男主角死都要話: 任務完成.

開始時的鋪排其實也不錯, 男特工跳樓用背脊落地坐氣墊雖然誇張不過合理. 金髮女殺手一路行來時給幹掉其實幾無奈. 之後高科技爆格失敗都幾生動有趣, 尤其是用滴水聲引走守衛 (最搞笑係技工一開始整唔到出聲, 之後又唔小心走左入鏡頭度). 男主係醫院時一個萬字來就走左出黎也很合情理.

去到酒店知道要爬牆時, 湯告魯斯的腳軟我覺得係由心發出的. 最搞笑係爬爬下手套冇電同埋落返黎果野條繩唔夠長果野堅無奈. 跳返黎時到冚到頭真係好慘. 但布蘭條西褲其實ok穏陣, 最重要係佢地都仲未見客, 點可以比人睇出!!

交易時臉具整唔出唯有用高科技即場copy 份文件比另一方交易. 女殺手居然睇得出對方帶左con而暴起傷人, 最後女teamate一腳伸左女殺手落街, 佢真係死得慘.

正當大家以為咩都輸晒的時候, 突然間因為獄中朋友的關係知道可以去邊搵個痴線教授即刻又有返生機. 而係機上男主要安慰女teamate時當然要當老婆死左一樣 (幾好戲). 拆彈特工今次唔洗拆彈但要改機, 但都係熱到要滴晒汗, 仲要最後係失敗收場, 正正係險死橫生.

之但係, 都係有犯駁位.

1) 因咩事要去色誘印度傳媒大亨呢? 其實只要搵個位拉佢埋死角就可以劏死羊, 洗咩搞咁耐? 如果唔玩色誘, 一早去電視台埋伏可能已經搞定晒, 係佢地白痴定係"劇情需要"呀?

2) 女殺手見到對手帶con而暴起傷人 係因為知道對手"不誠實地交易" 所以心生不滿定係因為想反抗而反抗? 唔等佢地轉身時先打殘佢地? 再者, 之前講到個女殺手咁好打, 因咩事咁容易被人捉住? 佢地入左房之後點都放定d武器係度呀?

3) 酒店個server比人hack左, 果層比人爆窗仲要有槍聲都冇人理, 杜拜係咪冇警察 / 公安架?

4) 教授因咩事睇唔開, 雖然人地話到明死都要拎返個公事包, 但其實佢把公事包拋下, 而唔洗自殺. 只要留下生命拖下男主, 到時佢的目的可能成功左. 唯一解釋, 佢真係痴左線.

5) 中情局 / 國防局局長座駕居然唔係防彈玻璃, 仲要係去俄國wor, 真係講都冇人信lor.

6) 特工當分析員, 其實係局長的私人保鏢, 呢招其實唔錯. 之但係得一個司機一個分析員就去俄國, 真係少左d人. 起碼都三架車啦.

不過整體流暢 以及角色平衡方面做得唔錯, 加上動作設計也不錯, 又有少量溫馨位(前妻回眸, 然後你有你生活, 我有我忙碌......) 所以總的來說是一套不錯的電影. 尤其是爬牆一幕是實景拍而不是電腦特技, 係加下咩都玩3d玩特技的時代, 實在是有所交待. 唯一可惜係, 女角只有兩個,

電影預告片:

Check out this great MSN video - 'Mission: Impossible - Ghost Protocol' movie clip

爬牆資料: http://news.hk.msn.com/entertainment/article.aspx?cp-documentid=5668202