影評 赤壁下 決戰天下

過左大約半年, 赤壁下終於都來了. 雖然上集的最大FEATURE 是 梁生扮演的便秘周瑜+JOHN WOO先生的強力拖延, 但係上集我完全以為自己係聽不到最後一個字的角色: 甘興(霸), 原來真的是被叫作甘興....(吳生也玩起食字來?) 今集居然死左.......坦白的說, 今集比上集好看得多, 至少多些打仗的場面看. 但是作者似乎...不知他想跟 三國演義 還是 三國誌呢? 大致上是跟演義, 但有些地方郤又似是而非.....而更慘烈的是, 你想改唔緊要, 至少改得有創意一點, 有誠意一點, 又或者有些邏輯上的系統好不好?

無故為孫尚香小姐加一條感情線本來是無可口非的做法, 始終都要理下女性的感受, 之但係......做間諜使唔使用到孫大小姐呢? 再者, 東吳要派奸細的好人選可真不少(根本在曹軍的荊州降兵很多都會受東吳收買)
然後是劉備的"奇兵", 吹水怪的問題主要在於, 事實上沒有那麼多理由會去幫蛇畫腳因為本來就係曹軍先敗, 所以要去左北岸果邊立營, 而由於士兵太多病左, 所以必須要一鼓作氣攻下, 否則完全沒有勝算.

而事實上, 曹操本身作戰雖然也可能有取小喬的意思, 縱使在演義中張繡的反叛傳說中的起因是曹操搞佢老婆, 但其實一向曹操都係咸得好有節制的, 事實上佢唔會真係為左小喬而停下不發兵. 事實上曹營的陣式同地營, 你要出去散開都係好困難的, 晚那麼一點點也是沒有用的. 而且, 黃蓋的無故唔洗比人打, 同埋無啦啦出現的"君子之戰" 都令人感到十分之無奈, 但最強勁的地方, 都係甘興呢個BUG. 佢的陣亡, 完全令我感受到吳生的 "強戰世界"........都唔知係唔係為左幫內地憤青發出一口氣, 所以特地找日本人來陣亡呢?

片末的打大佬之路, 吳軍以羅馬方陣攻入曹軍山寨, 事實上完全沒有必要, 一個前陣比人燒到百幾度的火海, 本身就會令曹軍軍心大散, 不必吳軍四下沖殺就已經死左八成, 事實上是役雖然曹軍用了很多兵力, 但是主要都是其他地方的軍隊, 青州兵本身好像是沒有太大的參與, 而自從比呂布當年反刺一刀之後, 曹軍也不會把後方全都抽空, 也要防一防西方的馬超和劉璋, 張魯等勢力. 而且無論係小說還是實情, 當年尚未有無線電時, 前線根本收唔到命令, 而後方也完全不能壓住敗陣下來各方士兵閃人的力量, 所以從來只有係後陣收聚敗軍數千以致數萬人的情況出現, 也沒有雖敗但尤能有系統地徹底地後退到安全的地方.

小數的優點, 係今集鴿子終於真係做返鴿子應該做的事情. 同埋金城武都仲係咁靚仔, 佢校時間揮果野真係幾型下. 但係其實果個羅馬方陣式做法原則上係行唔通的, 原因有數點. 1) 海上有好多木, 可以比佢地燒, 但地上就應該唔會燒得咁勁, 再說, 乾柴烈火 燒足成晚都忡咁激? 而木盾本身根本就唔防火, 唔係當年的滕甲兵就唔洗比孔明先生燒得咁慘. 2) 再者, 你拎呢D 盾咁全身防火, 都係沒有用, 因為大火最致命的唔係火, 而係煙, 咁樣防法, D 煙一定有入無出, 唔洗一陣一定全軍死係煙薰之下, 吳國大軍一定就咁死左一大部份.

而事實上, 無論係演義同史實, 都係話曹操大敗, 一比人放火而散唔開, 就決定閃人. 只係亂軍之中, 有很多是荊州的降兵, 根本無心去打, 一敗即閃, 周圍到係人, 你又點知邊個打邊個呀, 所以劉軍的確係演義中放左D 伏兵係幾個返中原的心經之路度, 但係其實曹操閃人時應該天色尚未大明, 因為傳說中的關羽放走曹操就係天剛亮的時候.





人家狠心的批評.

平均評分
(93個評論 | 新增評論) 導演: 吳宇森
主演: 梁朝偉,金城武,張豐毅,張震,趙薇,胡軍,中村獅童,林志玲
片種: 動作
日期: 2009-01-15

當世垃圾之最張貼日期: 2009-01-18 19:41
評論者：laulauking | 5 個用家推薦這評論 (共9 個)
優讚唔落手
劣太多, 數唔哂
亂改經典, 不知所謂, 明明有好劇本o係手, 要人有人要錢有錢, 竟然可以拍套咁o既垃圾出黎, 浪費觀眾時間, 簡直係侮辱

犯駁位多到數都數唔哂, 明明係劉備向東吳聯盟求援, 全力說服佢地決一死戰, 呢點連上集都拍左出黎, 黎到呢集竟然可以淆底先自己拉隊走人?? 究竟呢個"理"係點"推"? 之後又"自圓其說", 話咁係示敵以弱之計??? 連我都唔信, 曹操反而會信. 即係編導作條屎屎屎橋出黎, 就老屈曹操都會中埋呢條屎屎屎橋, 反智到極點

一個女人可以o係曹營走黎走去, 又"體恤"黃蓋唔想用苦肉計打佢, 而家係打仗呀, 係打仗呀, 打仗呀!!! 知唔知咩係打仗呀? 戰敗就係亡國奴, 都可以以明明有計策又唔用, 幾萬對人幾十萬, 仲講要打甚麼狗屁君子之戰, 真係白痴都有個譜...

又一個女人可以走入曹營拖時間, 到最後仲竟然出現無線垃圾劇先會見到o既極級狗血情節: 挾持志玲姐姐, 然後威脅周瑜孫權即刻投降, 唔係就殺左佢! 究竟導演你係自己白痴定當人白痴?

金城武o個d狗屁爛gag位次次一出就令全場氣氛跌到落冰點, 難得吳生受訪o個陣仲沾沾自喜咁講話加左d吳式幽默落去, 硬膠當有趣

借赤壁兩個字黎亂作, 一時又加兄弟情, 一時又加個人英雄主義打無雙, 一時又加個叔材慘死落去反戰? 吳生你究竟知唔知你自己想拍乜?

呢世見到吳宇森呢3個字就唔會入場




歷史上的赤壁在哪? : http://paper.wenweipo.com/2008/12/30/OT0812300005.htm
甘興這個BUG 的笑話: http://www.i-onhand.com/forum/viewthread.php?tid=5029
笑爆咀: 甘寧外傳 http://uncyclopedia.tw/wiki/%E7%94%98%E5%AF%A7%E8%80%81%E5%B8%AB