影評: 復仇者聯盟 8/10
復仇者聯盟 肯定是近期必看的電影之一, 因為其他電影根本沒有很多時段可以放映, 所以要避開根本係避無可避.
另外, 集合咁多"超級英雄" 也是吸引人去看的一個原因.
事實上本片拍起來的確不算難看, 節奏明快, 場面浩大以及有少少twist位加笑位令大家緊張時鬆口氣等都係可取的地方. 當然 史嘉莉喬韓森 也實在中和了如此多的"雄心壯志", 令大家可以有一點點平衡.
不過, 雖然2小時多, 人物描寫, 特別是HULK 還是不太清楚, 雖然美國隊長難得地幾次係內訌時都能擺平雙方, 不過其實就咁睇佢只係啱做指揮者, 單挑能力最弱除了正常人的鷹眼和黑寡婦外還數他最弱, 而且單只這六位仁兄就拯救了地球的說服力好像有點略嫌不足.
內含"勁行"劇透:
其實故事好簡單,
打撈美國隊長時, 順手把宇宙方塊撈起埋, 當科學家們研究緊舊宇宙方塊時, 洛基出現并且用魔法控制左一批特工及科學家去為佢準備建立一個更大的門去容許他的軍隊由第二個宇宙來到地球以進行侵略. 當然最後由數名超級英雄(復仇者聯盟)帶領地球人取得勝利.
"復仇者聯盟 "包括鋼鐵人、綠巨人浩克、雷神索爾、鷹眼與黑寡婦，還有剛從冰獄裡甦醒的美國隊長。
當然其中最搶鏡的, 還是IRON MAN.
看電影時的感覺, 好像是變形金剛(黑月危機)中的搏派突然被人變左做復仇者聯盟. 要用血肉之驅同狂派(誤)打當然好慘. ( 不過呢幾年因何種種外星人都黎地球搶d 方形 的物件呢?其實LEGO 好勁? ) 不過電影中果幾條"魚"的確頗"勁" , 有少少"超級戰艦"之中壞人戰船的影子. 而且最勁係奸角洛基可以用支棍指指你心口就變左聽晒佢話, 呢招最毒. 鷹眼就係咁早期比佢係咁舞去搶銥. 還好羅拔唐尼個心係用個左個金屬線圈黎保護.
比較好笑的地方包括有洛基係度要話自己有幾勁, 但係跟手就比HULK當公仔咁舞到無還手之力.
之前仲有洛基 好英 咁捉住鷹眼支箭, 但原來支箭係會爆的. 而結果洛基就比人炸左去STARK 座大廈度.
另一方面, 美國隊長落命令時有班警察明顯唔識佢係邊位, 唔想聽佢D命令, 但當佢同幾個外星人打完之後馬上跟佢ORDER 做野都幾好笑.
以及黑寡婦 一開場時比人審問時, 明明比人審郤說成是自己審問緊對方, 而知道要回去之後又真係幾下手勢就搞定晒佢地. (留意以下片段)
不過, 說到底當然都有好多唔合理的地方.
例如, 明明說得咁勁, 又只係一支核彈打中主艦, 就馬上打敗成批軍隊? 跟手比人破壞左度門同比人搞定埋洛基. 話時話, 洛基唔係可以一用隻手捉住人就令果個人隻手黑左架咩?
另外, 壞人班軍隊因咩事得咁少人? 佢果幾條魚應該都放唔少兵出黎架, 咁容易打完呀?而且, 最令人不能理解既係, 因咩事洛基身邊得咁少兵, 而且又冇派人守住度門, 咁真係連最基本的軍事常識都冇, 點侵略地球呀? 莫非佢地同軍曹一樣志在HEA?
留言