影評: 盜賊門 6/10

盜賊門

本來十分期待, 但最後覺得除左有唔合理的地方, 仲有好多地方除左抄盜海豪情之外, 劇情同線都太多. 搞到笑又唔係好好笑, 偷野的手段又唔係特別地高明(大力全程只係行行企企同幫手爆門? 曾國祥後來係澳門就咁唔見左人就算數?

唯一係全知賢拍電影時身型緊FIT, 李政宰 同金秀炫 都有驚鴻一瞥的SHOW 肌肉時段, 加上全片都有唔少搞笑的地方, 都算係有D 娛樂性, 以及金秀炫為愛犧牲雖然感動但覺得只係因為佢冇期而借故離開故事? 在釜山一場槍戰戲, 幾個人打到警察咁多人都冇咩法子還手, 實在係形容緊韓國警方無能?

主線當然係偷太陽之淚, 但係我其實睇唔到有咩理由係咁難偷. 起碼其實真係偷太陽之淚根本只係一個人就搞定, 整咁多野都係為左 "聲東擊西" 同作為掩護的話就實在係......雷聲大雨點小. 個任務其實真係似乎好小兒科, 反而係要賣比衛鴻仲似去龍潭虎穴. 可惜搞左一大壇其實只係為左復仇. 雖然有幾個twist, 但其實都大致估到, 有少許mission impossible 3的影子, 可惜人地出左4啦, 你仲抄舊idea?

全片節奏都算明快, 但主線弱, 分線散, 冇咩特別吸引的戲味.

反而任達華同金x姬果段情有少少搞笑, 任生還是那麼型仔, 最搞笑係到尾佢地都係用緊日文講野.

全片可以分為五部份:

1) 偷國寶

2) 偷巨鑽

3) 偷左閃返香港

4) 釜山炒大獲

5) 收尾

片中有全知賢, 李政宰, 李心潔, 任達華 同埋 金秀炫 係香港比較出名.

但冇計, 家下世事無奇不有, 我們偉大的國教科爭議加埋立法會選舉其實好睇過晒所有電影, 可惜的係, 我地係比人地搞果一批. 我地比人偷左下一代的自由思考, 比人局住要愛國.

原則上, 我個人覺得果個結果如果最後全部人比果個被騙的有錢仔買通殺手一個唔小心搞到全部人都死晒咁似乎仲淒美d.

官方劇情提要:

結集10名亞洲大盜 完成不可能的任務 傳說與68公斤黃金一同消聲匿跡的大盜 Macao Park (金允錫 飾)突然重出江湖招兵買馬，計劃到澳門食大茶飯 :  盜取價值連城的318卡巨鑽「太陽之淚」。他邀請舊拍擋 Popeye (李政宰 飾)及開鎖專家Pepsee (金惠秀 飾)，加上鋼絲高手 Yenicall (全智賢 飾)、賊門浪漫新貴 Zampano (金秀賢 飾)及易容高手 Chewingum (金海淑 飾) 的加盟，一行六人齊集香港，匯合由Chen (任達華 飾)為首的犯罪集團，解鎖高手 Julie (李心潔 飾)及兩名槍手Johnny和Andrew (曾國祥/ 吳達秀 飾)一同前往澳門，目標是從黑幫大佬 Wei Hong 那裡偷走「太陽之淚」。 表面上，各人合力演出一場偷天換日大龍鳳，其實骨子裡各懷鬼胎：Popie不信任Macao Park；Yenicall 想私吞鑽石；Pepsee只為弄清與Macao Pak間混亂不清的感情；Chen只在意賭場的現金；而眾人之首 Macao Pak 內心似乎更隱藏著深層的計劃. 奪鑽行動在這爾虞我詐的狀態下展開。到底誰會先被出賣﹖誰又可以帶著「太陽之淚」全身而退﹖ (source: http://hk.movies.yahoo.net/movie/details/18256)