魔角 5/10 不值一看

魔角的故事其實頗為簡單, 主角女友奇怪地被人奸殺, 男主因為前一晚同女友噪完, 所以被視作嫌兇, 最慘的是幾日後男主頭上居然長出一對羊角, 更加被其他人視之後殺人兇手, 但係對角比左男主角可以令其他人在他對角前面吐露其心中所想. 更可以控制蛇s (傳說中的魯蛇?)
然後男主角就利用呢D能力有仇報仇.
前頭還可以, 有點回憶, 有點困惑有點迷茫, 可是往後每況愈下. 男主對兄長狠心, 對真兇郤給了一次又一次的機會, 雖說是救過佢一命, 可這實在是太善良了吧? 而且本來對人性那種善惡之間, 一念天堂, 一念地獄的掙扎似乎消失左, 男主除左煩燥, 還心悸, 行事左搖右擺, 3-4重標準, 應該比淨心口服液給他, 以安其心. 總之奇奇怪怪, 又唔係好笑, 有D 鹽花但又唔太切合情況, 又唔能夠令人好驚, 又唔覺有深意, 完全唔知佢想點, 可能係想話, 係笑, 驚同說教之間, 係有好大距離吹水的. BTW, 佢隻角有部份時間...唔知係咪我錯覺....似乎唔同左位.

有人話本來的書很好看.
但我未看過本書, 而呢套電影, 個開頭都OK, 但後來似乎有些失去控制. 有些地方似乎是為了失控而失控, 而且故事人物也有點前後不一. 例如男主對李似乎太仁慈了點, 但對他的哥倒是太過嚴厲了, 始終人要睡著就沒可能清醒的吧, 加上他一向食開藥, 你能期望吸毒者時刻清醒嗎?


其實本身個故事很簡單, 愛人被好友奸殺了, 但做到好像是男主做的一樣, 男主呢個時候生左對角, (其實對角係咪真係等同魔鬼, 根本冇人知)雖然最後好似都當係魔鬼, 但係報左仇比人隊幾下就死, 放火就冇事, 佢呢隻鬼真係有特別的構造?

結局係攬炒, 但男主似乎頗安祥地死, 也可以說是求仁得仁吧. 睇完之後其實我都有點想死.