絕色殺姬(Lucy) 7/10 (我個人覺得小爛尾)

電影官方網址: http://www.lucymovieintl.com/ww/

故事其實主力係Scarlett Johansson成仙之路

不由自主地同Transcendence, Limitless 有所比較. 但是其中一樣最重要的不同之處絕對係主角由型男變索女. 不過其實奸角係台北用韓文討論......真係咁容易? 個酒店樓面, 其實識流利韓文比識英文更困難吧?

故事主力發生在台北和巴黎, 也有一點點紐約.

雖然故事完全虛構, 但電影中對人生意義的問題郤是貨真價實的. 除左繁衍就是長生嗎? 存在不就已經有意義了嗎? 或者說, "我思故我在" 這刹那在何方呢? 把智識傳去下一代呢?

不過, 理想很美麗事實很殘酷, 人類根本不是只用了10%大腦的部份, 事實上大部份人腦都有在用, 只是不會一齊用, 也因部份地方如果受損, 則其他部份會更改其用途來適應. 而且CPH4只係一種enzyme, 應該沒有電影中那神奇的功效. 不過, 其實在以往的歷史中, 迷幻藥也曾是藝術家找靈感的工具.

BETWEEN, 其實中文譯名有些名不符實, 全程都唔係好覺佢殺左好多人, 多數都係自衛時唔小心做成的"意外". 點都不能說是她有心去殺人.

故事有少少小乘佛教的意思?  也有點道家的, 天地與我并生, 萬物與我齊一的感覺. (她說每個人每個細胞都不曾死去, 大家都還連在一起. ) 最後的結局是否傳說中的得道成仙/ 湼盤? 為什麼既然每個細胞都係連上了的, 為什麼仲要用USB? 報夢或者係幻聽會唔會更加方便, 定係其實佢想比MORGAN FREEMAN有D 野拎? 

睇到尾, 其實有少少"誅仙"中 "天地不仁，以萬物為芻狗"的感覺, 雖然誅仙作者明顯錯取其義. 但今次LUCY姐明顯跟LIMITLESS 的谷巴兄有所不同, 一個努力入世錢揾錢, 一個一條直路去成仙. (當然可能因為身體支持唔住佢個腦?)

不過呢個結局我個人覺得, 真係小小爛尾LOR.....起碼都出下聲咁啦, 只係用電話好似弱左少少, 也根本沒說明她是到了何等境界?