影評: total recall 新宇宙威龍 7/10

睇完套戲, 剛好回到家paul chan 就劏房一事突然間黎個total recall.

同一時間, 德育及國民教育科又爆出洗腦教材的問題. 令人不禁懷疑, 發行"新宇宙威龍" 的片商係咪真係咁勁, 可以未卜先知呀?  咁難得都可以食到洗腦呢一水同埋paul chan 呢一野扮失憶? 唔通呢壇野同套電影都真係有外國勢力?

btw, 因咩事個背景係話全世界得返英國同埋澳洲適合人類居住呢? 其實我覺得玩南極好似好d wor.

故事說, 男主角表面上係一名被壓迫的失意工人, 升唔到職, 唯有諗住玩下game 發洩下, 點知玩出禍, 發現原來自己係一名被洗腦的雙重特務. ("叛碟追擊"未來版 再+ "智能叛變" 中的機械人大軍 )

其實呢套戲個setting 本身係唔錯, 同時動作場面也很可觀, 包括有巷戰, 追車, 彈琴, 鎗戰等包含了典型港式警匪片元素的場景;

某d 程度, 如果去到最後原來佢真係只係個game 入面可能, 又或者twist 中twist 話其實佢係奸的世界領袖(總理) 咁可能真係更加"精采".

當然你會知叫得做新宇宙威龍 (btw, 宇宙威龍呢個名真係幾求其)  其實上一代係阿力舒華辛力加, 請參: http://www.imdb.com/title/tt0100802/

不過當年說的火星, 而當地統治者先係奸角. 但家下就變左做大英國協係度壓迫"殖民地" 澳洲.

而來往兩地的是新奇地交通工具: 地跌 the fall (其實我個人覺得把它譯做 "地心降機" 會更切合其意義) 而英文原字係可以包埋有墮落的意思, 不能說沒有深層意義. 作為被殖民地的香港人, 不能說沒有自身投射.

動作很讚, 劇本不算太壞, 至少應該有的內容都有, 算是不錯的電影.

當然, 有故事就有破綻.

地跌其實跌到去地心附近應該會由於重力的提升而導致問題, 例如係因重力而無法去到地球另一邊, 也會因重力而令乘員不適? 與此同時, 其實因咩事政府軍可以chase 到叛軍的所在呢? 莫非真的可以set 個virus 入記憶之中以便hack 左對方的電腦?? 

而且, 因咩事入去rekall 的第一批次軍人, 全都是真人而不是機械人? 咁好彩定係意外?

電影官方網站: http://www.welcometorecall.com/