曾特首唔投票之我見.

為表公平, 雙方的海報各貼一張......但總覺得兩者出自同一名設計師??





曾蔭權及政治團隊唔會就立法會補選投票, 話係浪費公帑的事情所以唔鼓勵. 但係在不久之前(大約一個月前) 佢既政治團隊正正做左件香港市民認為浪費公帑的事情, 請問既然佢補選唔投票, 咁件飛龍標誌在有民意基礎不滿下, 為什麼上一代己經比人話浪費公帑, 今次都仲要做多一次浪費公帑的事情呢?

其實, 現在2010年己經過左大約一半, 但係政府財政報告之中有很多地方都仲未開始開工做野.
1)醫療改革 冇左影
2)經濟機遇委員會除左撮合左劉遵義同佢太太外似乎沒有什麼切合目的之成果, 現在也可能像8萬5一樣人間失蹤了.
3)政府話要大力發展金融, 但是無論是玩法, 產品, 香港股市這個賭場都己經追不上市場了. 雖然香港有WARRANT市場, 但是商品期貨市場討論左幾年都仲未有, 加上延長交易時段又冇左影,你想香港經濟能減輕地產的比重, 真係痴人說夢.

說真的, 曾先生, 其實你想點, 發展經濟你又做唔到(我地以為你做財爺咁多年應該呢方面好D), 應該幫我地爭取任內普選又當冇件事. 到我地玩變相公投你又覺得浪費公帑, 咁你其實呢屆政府想做0的咩??? 無為而治定係屍位素餐先.

曾先生搞"負責任" 的局長制, 跟住搞左幾件副局長, 但奇怪的是人工高到離晒罩, 話係培養政治人才, 但係當市民去向呢幾位副局長評價時, 曾先生又沒有跟據呢D指標去就此減佢地人工 / 炒佢地. 最慘係好像以下呢位網友所言: 警務處處長的薪酬約為$202,000, 但副局長可達至$208,000~223,000, 但警務處處長要受基本法第一百零一條約束, 但人工更高的副局長們便無此需要, 你話係咪佢哋話乜就乜, 呢啲咪就係典型嘅官字兩個口囉。
其實以每名副局長大約210,000一個月, 兩年共用四千萬. 除左食物及環境衛生局的副局長外, 似乎冇邊一件係做到野. 當然不要提多年來一事無成的林瑞麟局長. 分享:瓜分林瑞麟三十萬薪金-by little airport(土法錄影版, 原版好像己經YOUTUBE剷左) 香港政府, 其實年中都浪費左唔少公帑.

政改年年都唔過, 單係呢一樣野係唔係就應該評為林局長失職呢?

5月16日絕對應該出來投票, 唔係冇人知你想點架.



曾蔭權及政治團隊後日立法會補選不投票
(商台)2010年5月14日 星期五 22:40

行政長官 曾蔭權 晚上發表聲明，決定星期日的立法會 五日補選，他不會參與投票，政治團隊的其他同事都認同這個觀點，亦都自行決定不會投票。曾蔭權表示，多年來，雖然香港無強制投票的法律，但他同很多市民一樣，每次立法會選舉都會投票，但相信市民明白今次補選的背景及成因，而社會上的主流意見認為今次補選本來是無需要，更有不少市民認為是濫用選舉程序，浪費公帑，政府早前亦表示會考慮修改法例，避免同類事情再發生，鑑於今次補選的特殊性，小心考慮後決定不投票。

曾蔭權強調，今次決定純粹是他及政治團隊的個人選擇，公務員同事不應，亦不會受今次決定影響，是否投票，是他們個人的決定，政府完全尊重他們的決定。

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX

新「飛龍標誌」設計僅用百四萬

2010年04月12日 星期一 03:30
(綜合報道)
(星島日報報道)對於特區政府上月底公布新的「飛龍標誌」，「107動力」早前用問卷訪問五百多名市民，結果顯示，在最高十分的評分中，八成市民對新「飛龍標誌」只給予一分，並認為政府利用六百一十萬公帑，設計新「飛龍標誌」的做法，是不合理。政府發言人則澄清，六百一十萬元開支中，涉及形象標誌設計的更新只佔約一百四十萬元，設計合約還包括把形象標誌應用在各種不同宣傳品和媒介上共超過三十項的設計。另外，財政司司長曾俊華今日在本報撰文指，特區政府更新「香港品牌」過程，經過一年多諮詢工作，新品牌標誌更能體現「勇於創新」和「優質生活」，這兩個香港的核心價值。因此他希望市民不要把目光局限於飛龍設計本身。