瀨野本未紀: 難以捉摸.

有了十年前的經驗, 我深深地認識到, 無論咩情況之下, 五月份的病 / 唔舒服都必須要小心處理.

不過, 太陽之下無新事, 我係十年之後又中招了.

雖然好明顯十年前果一次真係激烈好多, 但事實上本來只係一個好MINOR的傷風咳, 都有可能玩死你.

事情發生的經過是這樣的:
5月1曰教會去旅行, 其實前一晚已經有些少唔係好充足睡眠, 去到集口地點先至知道原來我要幫手做組長, 本來這也沒什麼的, 可惜當天我媽媽跟我婆婆, 我呀姨我呀都一起去. 我們去左幾個島, 行左陣之後就要上返船, 點知可能實在係太眼訓, 所以上到船就不由自主的訓左.

雖然之後呀媽提醒我要著返件衫先好訓, 但好明顯一切已經太晚了.


星期一早上開始有感冒的病徵, 所以我決定訓一訓睇定D.
星期一下午, 準備食藥的時候, 收到CONNIE電話叫我如果明天還有病徵, 就不要上班.
事實上星期一因為人類豬流感的關係, 引致全城再一次的拉緊了弦線, 什麼可能性都叫我們回想當年的SARS. 不幸的是當年中招的九龍維景, 現在中的是香港灣仔維景. 當年也是一位內地教授在電梯內打了一個噴嚏, 就咁散到全港都有, 人人自危的情況我們還瀝瀝在目呢!

還好我一開始有事就走去搵醫生, 用消炎藥頂住先.
本來這沒什麼, 但是到左星期三, 一返工就好似比原先更嚴重(早前有研究話返工可以致命)
雖然平時我都會做到晚一點以便完成工作, 但是這兩天可以說我已經盡可能地早點回定休息以便明天可以返工的機會大一些. 估唔到返得果兩日工, 我又中左招.

星期四天我單單係坐在位置上也會喘氣有如跑完馬拉松.
沒法子, 雖然星期三晚因為食完藥去左覆診, 但係沒法子都要找些睇住我大的老牌醫生. 但事實再一次證明, 本社區隣近的診所絕對跟唔上時代. 呢個時代的病, 真係估你唔到, 捉摸不到.

我明明係氣喘,
阮熙光醫生郤跟我說這是很正常的, 你多點大力地把痰咳出來就自然能好的了.
沒錯, 我也是一時鬼迷心竅, 信佢信得太努力, 結果應該係因為我食消炎藥有好一陣子, 引致誘發性哮喘.

本來,誘發性哮喘, 照計喘一回應該會好返的, 但是到左星期五晚, 我實在是無法忍耐了, 因為當時我可能喘得太急, 引致我的面部開始局部地區性麻木, 就是說, 出現了一些中風會出現的現像.

沒法子
星期五晚, 我只能跟我呀媽一起去威爾斯親王醫院的急症室. 本來就諗住要等好耐先有得睇. 但事實上唔洗兩個鐘就已經有得睇.我們十二點15分左右去到.但係唔洗二點已經知我都係要留係果度一晚. 個醫生基本上望住我個口罩已經知我有幾促. 吹埋波仔, 應該吹到500ML只係吹到250ML, 你都係要度訓一訓架啦. 跟住佢比D 哮喘藥我吸. 但係我吸完都係好左少少, 吹到去300ML左右.
咁死得啦. 點都一定要留院觀察.
本來, 留院觀察都不是什麼問題.

可是問題出在吸左哮喘藥之下我條氣只係好左十來分鐘.然後馬上又回到之前的急喘.

還好, 在服食類固醇之下, 我條氣已經沒那麼喘. 希望, 再也沒什麼特別的意外又要令我再病多幾錢重吧.