怪誕黑家族 7/10 (盛女, 女巫吸血鬼和超時空要愛?)

怪誕黑家族, 就咁睇 你為佢係套黑色喜劇, 但係諗真d其實都可以睇得出導演其實都ok灰. 不過就咁表面睇都可以視之後頗有娛樂性的荷李活大片. 只可惜無論係奸角死的理由 以及劇中男女主角的主要衝突都有小學雞之嫌, 所以冇左前作魔街理髮師咁好睇. 而且今次的黑色元素似乎用作搞笑多, 失去本來更多那種人性那種笑中有淚的要素, 好像久缺了點味道. 此外加上吸血鬼, 女巫, 魔法, 人狼等故事題材實在係玩得有點爛. 只係冇睇當年的愛登事家庭, 唔知這電影是否有向經典致敬. 事實上johnny depp 雖然本身係型, 但今次呢套戲入面佢似乎係一個想扮型男的男孩雖然佢係靚仔, 但話晒都48啦, 早就變成佬了, 結果套戲入面郤只係成為了一名幼稚低能冇手段只知亂黎既小丑. 實在係令小弟大失所望. (本來得五分, 因為johnny depp 比多分你, 再因為場景音樂唔錯而比多分佢) 令人更唔開心的是連電影名都"鑑粗lium" 地同成名作"怪誕城之夜" 拉上關係, 咁實在係太商業化地食老本吧?

找到資料說這電影其實改編自一套美國的電視劇. 雖然我從未看過. 不過根據網上找到的資料, 好像是相當受歡迎的美國電視劇. 而且似乎對男主的人性矛盾有頗深入的描寫:

劇透:

故事內容自然係型男johnny depp 因為有錢, 有權同埋型得滯, 令到路過女巫對佢起痰, 可惜男主角始亂終棄, 最後當然係要變佢做吸血殭屍, 殺佢愛人, 最後仲把他關在棺材. 近200年後終於有人錯手放生佢, 於是搵返家族後人, 想重振家聲, 但結果愛上家庭教師(日本成人電影情節?) 加上女巫出手阻止, 一場大戰在所難免. 女巫呢百幾年來一向都對男主角的家庭"照顧"有加, 仲將現存的一對姊弟的母親幹掉. 經過一場龍爭虎鬥之後, 奸角最後比姊弟的母親偷襲得手. (就像斯路因為比達偷襲分神而死一樣, 所以鳥山明大師真係引領潮流20年.)

套戲本身取材雖然傾向黑色, 但係內容同埋處理我覺得比較似係笑片多. 雖然johnny depp 照舊係應殺則殺, 但其實暴力場面唔太多血. 描寫的除左主角想保護家人的"情與義" 之外, 其實主要係男主中意女家庭教師, 而女巫就係度威脅男主要同佢一齊否則再次殺你全家.

事實上, 可以視 果位愛穿紅裙 的 女巫為掌握閣下 前途命運 的 "盛女" 上司, 而男主角為型仔下屬, 最後當然係一獲熟之後男主為愛放棄一切同女主遠走高飛咁樣更容易d理解. btw, 其實個故仔可以再改少少, 女巫同男主角的交流 如果有多少少養成RPG 的元素(嘿, 即係近期最熱的diablo 3) 可能會好d.

有其他人認為:
"其實女主角應該是尊尼特普的前世今生心上人，可惜描寫不多，情味不足。全片變成花心殭屍與惡毒女巫鬥法，反而鬆散了。而且這女巫的魔法太強，竟能製造殭屍，可是最後鬥不過一個普通女鬼，我認為不合「邏輯」。"
前句我很讚同, 然而女巫跟殭屍法力本身其實應該冇限制, 只係睇佢地本身能力. 而隻殭屍係女巫整成的, 比呢位女巫弱其實真係天經地義架bor.
故事內容不由令小弟我諗起三套港產片: 1) 超時空要愛(簡稱"超") 2)愛你愛到殺死你 (簡稱"愛") 3) 當然係"大話西遊"(周星馳在內地的成名作)
超片是描寫一位現代人因故比人"挾"左返三國時代, 佢勁想返現代香港, 過程之中領悟咩先係真愛, 係港產cult片之王; 另一套則係愛到發狂, 愛到真係要生要死的愛情電影.

問世界情為何物, 因咩搞到真係要生要死呢?

參考影評: http://nsnet.pixnet.net/blog/post/89528639