買起我老闆.........

各位老闆, 暫時來說我都不會, 可見的未來也不會買起你.

不過, 說真的這套電影個TITLE絕對有些霸氣, 可以坻得上呀WING姐星期六果一聲大叫.

其實, 呢套電影只係一套笑片, 絕對唔會發生係真實世界.

其實我個人估計係主要向呢位人兄致敬:
Louise Michel

事實上全套電影都只能話係一套笑片, 導演用幽默風趣的手法, 來描寫一個瘋狂的暗殺行動.



呢個行動, 係由一間法國的工廠摺埋開始的.
因為間廠摺埋左, 所以大家都有少少工廠賠比佢地的錢, 於是其中一人提議請個殺手來幹掉話要摺埋間廠的老闆. 但係老闆們殺左一個又發現有另一個更高的高層話要摺埋間廠, 最後搞到要(偷渡)過大海去外國幹掉最後的大老闆.

故事沒有太多合理的地方, 便的而且確令大家可以輕輕鬆鬆地過一晚.
如果讀者沒有留意佢個片名同埋背後的那個人, 可能真的只能說這是一套頗爛的笑片, 沒有什麼邏輯, 也沒有什麼特別值得留意的手法可以研究. 然而如果你真係細心睇下片名果位仁兄的"一生", 我個人絕對相信那位仁兄在這樣子的情況之下, 一定會做同樣的"過激"行為, 用自己的手段來發表自己的不滿.

事實上, 這套電影有幾個笑位係真的不錯的.
1) MICHEL原來係女人, LOUISE 係男人. 佢地的易服習慣已經到左以假亂真的地步.
2) MICHEL 自我陶醉地練習時錯手打死左隻牛.
3) MICHEL 帶 LOUISE去佢 OFFICE時, 轉左一輪都係番返起點度.
4) LOUISE一開始提議暗殺老闆時, 大家都好快手咁同意晒.
5) 被殺的大老闆做跑步機時個助手唔小心禁左個部機加速果個制.
6) 大老闆被殺之後佢地兩個係度跳舞時, 突擊隊員串佢地跳得好差.



其實片名中那位仁兄係法國史上最強的女性左派勇士, 比起葉劉早唔知幾多代, 又比葉劉坦白好好好多仲勁好多, 係法國革命時, 佢十分投入去實際上的前線工作, 例如幫手做護士, 參與巴黎公社的活動, 為法國坻抗德國對巴黎的佔領等等, 事實上, 即使巴黎公社失敗之後, 她在母親被威脅之下自行投案, 而且願意為她的公民抗命負全責, 比起香港很多自稱公民抗命的人還要有始有終, 一生人中多次被建制政府拉入監, 但從沒有改變她的初衷.

她一生反對剝削, 不單有錢人對窮人, 也指男人對女性的剝削.

如果你有幸睇到呢份影評, 也許你有時間的話都請你認識下呢D 咁偉大的法國女性. 睇到人地咁勁, 也許不論你是港男還是港女, 都會認識到自己根本唔應該咁小氣, 或者唔應該睇野咁膚淺.