時事---梁振英與唐英年的特首選舉

梁振英與唐英年的特首選舉, 相信會係近期最受關注的時事題目之一 .

君不見其他人雖然唔多想理, 但實在係鋪天蓋地的新聞 / 笑聞令人無法自拔, 唔想講都局住要講. 之但係, 大家唔好忘記除左我地呢班幕前的人, 仲有幕後偉大的指揮在控制這場有名無實的選舉.

CY同埋唐唐的選情, 原則上民意有影響, 但當原來區議會選舉大陸的統戰部居然可以種到一百六十幾個人報住一個單位而五年都冇人理, 咁你就知道, 咩選舉都可以係假ge, 其實CY同埋唐唐都只係布袋戲入面的公仔je, 又唔洗咁肉緊, 又唔洗做咁大壇戲.


唐唐??:

CY??????????: 

 註: 一個唐公子, 一個話齊心, 所以求其塞左佛公子比唐唐, 邪亦心比CY, 排名不分先後也沒有任何深意.



其實CY可能都好似陳振聰咁樣, 正在玩一個賭很大的遊戲. (兩位都有個振字係名正中, 可以搵蘇師傅出黎討論下.)

不過, 雖然事實上因為有唐唐呢個負面 soundbite皇者, 佢提供鋪天蓋地的惡搞材料實在係提升香港創意工業的強大助力 (多d練習改圖同拍片, 有朝一日可能金馬獎就係源自你串唐司長的"無聊戲謔"引發你的小宇宙.....)

現今科技發逹, 冇野係做唔到ge. 或許, 多年後可能有資料發現, 居然CY 係唐唐扮, 而振英其實係唐唐.......話時話尊特拉華特有少少似唐唐, 可惜尼古拉斯基治唔似CY..............

唔洗怕, 呢個topic玩到出年3月, 真係大把時間又大把野好玩. 學者們如沈旭輝先生等, 其實真係可以用呢個題目出返十篇 八篇論文, 分分鐘可以拎返幾個phd.......

其他討論網誌: (未能盡錄, 求其揀左幾個人的網誌):
只有豬與狼的小圈子選舉
梁振英的優勢、唐英年「輸在起跑線上」
豬狼對決! 
星島評論(絕不中立)